ကျောင်းများ ပြန်ဖွင့်တော့မည် ဆိုသည့် အသံများကြားလာရသလို.........စိတ်ချရပါ့မလားဆိုသည့်ထင်မြင်ချက်များ၊ဖြစ်လာခဲ့ရင်ကုဖို့ထိန်းဖို့ ဆေးလွယ်လွယ်နဲ့ရဖို့မရှိသေးဘူးနော်.....ဆိုသည့် စိုးရိမ်ပူပန်သည့်ပြောဆိုနေမှုများလည်းရှိနေပါသည်။
.
တစ်ဦးခြင်းစီ၏စီးပွားရေး၊စားဝတ်နေမှုကိစ္စများဆီမှ နိုင်ငံအဆင့်အထိ အမျိုးမျိုးသောကဏ္ဍတို့တွင် ကြာရှည်ရပ်တန့်ထား၍မရသည်တို့ရှိကြသည်ဖြစ်ရာ ထိုထိုသောအကြောင်းများကြောင့်အန္တရယ်ကြားမှ တတ်နိုင်သမျှကာကွယ်ပြီး လည်ပတ်လာအောင်ပြုကြရမည်ဖြစ်ပါသည်။
.
စီးပွားရေးလုပ်ငန်း၊ကုမ္ပဏီ များလည်း လုပ်ငန်းခွင်တွင်းကပ်ရောဂါကာကွယ်ရေးအစီအမံများနှင့်အတူ အများစု မှာပြန်လည် လည်ပတ်လာနေပြီဖြစ်သည်။
.
ထိုမှတစ်ဆင့် အစိုးရဆိုင်ရာ ဝန်ကြီးဌာနများနှင့် ၄င်းတို့နှင့်သက်ဆိုင်သည့်လုပ်ဆောင်ပေးသည့် ကိစ္စဝိစ္စများ ပုံမှန်အတိုင်းလုပ်ဆောင်လာနိုင်ရန်တို့ရှိနေပါသည်။လုပ်ပေးရပါမည်။
.
ထိုမှသာ အရာရာအမျိုးမျိုးသောကဏ္ဍပေါင်းစုံတို့မှာ နဂိုမူလအတိုင်းလည်ပတ်လာနိုင်မှာဖြစ်ပြီး ဆုံးရှုံးနစ်နာမှုတို့ကို တတ်နိုင်သမျှ နည်းအောင်လုပ်နိုင်မှာဖြစ်ပါသည်။
.
ကပ်ရောဂါ၏သဘောသဘာဝ၊ကူးစက်နိုင်ပုံနည်းလမ်းတို့ကိုအလုံးစုံမဟုတ်စေကာမူ အတော်လေးကို သိရှိနေကြပြီဖြစ်ပါ၍ အားလုံးသော ပြည်သူအပေါင်းတို့သည် လွန်လွန်ကျုးကျူး စိုးရိမ်မှုမဖြစ်စေဘဲ၊သက်ဆိုင်ရာဝန်ကြီးဌာနမှ ကပ်ရောဂါကာကွယ်ရေးနည်းလမ်းများထုတ်ပြန်ထားသည့်အပေါ် အသေအချာ လိုက်နာခြင်းအားဖြင့် ၉၅% ခန့်ကာကွယ်သွားနိုင်မည်မျှော်လင့်ရပါသည်။
.
ကျောင်းများ၊သင်တန်းများပြန်ဖွင့်ပြီဆိုလျင်လည်း ယခင်ကဲ့သို့မဟုတ် ခွာထိုင်ခြားထိုင်ခြင်း၊နှာခေါင်းစည်းတပ်ခြင်း၊မျက်နှာကာ တပ်ခြင်း၊မိမိသီးသန့်တစ်ကိုယ်ရည်သုံးပစ္စည်းပစ္စယများသီးသန့်ထားခြင်း၊လက်မကြာခဏဆေးခြင်း၊မလိုအပ်သည့်ထိတွေမှုကိုရှောင်ရှားစေခြင်း၊သင်တန်းခန်းမအားလေဝင်လေထွက်ကောင်းစေခြင်း၊ဖျားနာနှာခြေဟန်ရှိသည့်သူများအား ခွင့်ယူစေခြင်းတို့ထိထိရောက်ရောက်ထောင့်စေ့အောင်လုပ်သွားပါက လုံခြုံစိတ်ချရလောက်မည်ထင်ရပါသည်။
.
ကျောင်းများ၊သင်တန်းများသည်လည်းပုံတွင်မြင်ရသည့်အတိုင်း ဖြစ်လာဖို့ ရှိသည်ဟုမှတ်ယူနိုင်ပါမည်။
.
ဂဃနဏ မသိခင်က ကြောက်မည်၊စိုးရိမ်မည်မှာ သဘာဝကျသော်လည်း၊ကပ်ရောဂါ၏သဘောသဘာဝ၊ကာကွယ်နိုင်သည့်နည်းလမ်းတို့ကို သိလာပြီးသည့်အလျောက် လုပ်သင့်သည်တို့ကိုလုပ်ရင်းနှင့်သတ္တိရှိရှိ၊မလွတ်သောသတိတို့ဖြင့် ရှေ့သို့သာ တိုး၍ တိုးပါဟူ၍သာ တိုက်တွန်းလိုက်ရပါသည်။
.
KAZU

ဂျပန်တွင်ရောက်ရှိလုပ်ကိုင်နေကြသည့် အလုပ်သင်လုပ်သားများ၊ပညာရှင်လုပ်သားများအနေဖြင့် ယခုအချိန်ကာလ တစ်ကမ္ဘာလုံးအတိုင်းအတာ ကိုရိုနာကပ်ရောဂါကူးစက်ပြန့်ပွားနေချိန်တွင် ကျန်းမာရေးဆိုင်ရာအထူးဂရုပြုသတိထားရန်နှင့်ကပ်ရောဂါ၏နောက်ဆက်တွဲအကျိုးဆက်အနေဖြင့်မိမိလုပ်နေသည့်အလုပ်ကုမ္ပဏီလုပ်ငန်းအပေါ်ရိုက်ခတ်လာမည့်ဆိုးကျိုးများတို့ကို မှန်းဆသိရှိထားရန်လိုအပ်ပါကြောင်း အသိပေးလိုပါသည်။
.
လက်ရှိ(၇.၅.၂၀၂၀) အနေအထားတွင်ဂျပန်နှင့်မြန်မာနိုင်ငံအကြားတွင်ပုံမှန်ပျံသန်းနေသည့်လေယာဥ်ခရီးစဥ်မှာလည်းမရှိသလို၊သံရုံးမှ အထူးစီစဥ်ပေးသည့် အခါမျိုးရှိမှသာလျင်ပြန်လာနိုင်၊ပြန်သွားနိုင်သည်ဆိုသည့်အနေအထားဖြစ်ပါသည်။ COEကျလာပြီး ဗီဇာရပြီးသည့်တိုင်အောင်ဂျပန်ဖက်မှ အဝင်မခံပယ်ဖျက်လိုက်သည်များလည်းရှိနေပြီး PR နေထိုင်ခွင့်ရထားသူတို့သာ ဂျပန်သို့ပြန်ဝင်လိုပါက သက်ဆိုင်ရာသံရုံး နှင့်လေကြောင်းလိုင်းတို့၏အထူးအစီအစဥ် ဖြင့်သာပြန်လည်ဝင်ရောက်နိုင်သည့်အခြေအနေဖြစ်ပါသည်။
.
ဝန်ကြီးဌာန၏ခွင့်ပြုချက်မရှိ၍အေဂျင်စီ၏လုပ်ငန်းဆောင်တာများရပ်ဆိုင်းစောင့်ဆိုင်းနေရခြင်းများရှိသလို၊ဂျပန်သို့ရောက်ရှိနေပြီးလုပ်ငန်းခွင်ဝင်နေသည့် အလုပ်သင်လုပ်သားများ၊ပညာရှင်အတွက်လည်းအခက်အခဲများရှိလာပါက ကူညီဆောင်ရွက်ပေးနိုင်ရေးအတွက်ယခုအချိန်အခါမျိုးကဲ့သို့မလူးသာမလှုပ်သာအနေအထားမျိုးဖြစ်နေသကဲ့သို့...ကိုင်တွယ်ဆောင်ရွက်ရာတွင်အတတ်နိုင်ဆုံးအနေဖြင့် မြန်မာပြည်ဖက်‌အေဂျင်စီနှင့် ထိတွေ့မှု၊ဆက်သွယ်မှု ပိုမိုရှိစေရေး On Line စနစ်(အချိန်နှင့်ပြေးညီ) Hot Line လုပ်ဆောင်သွားမည်ဖြစ်ပါသည်။
.
ယခင် ကိုင်တွယ်ဆောင်ရွက်ခဲ့သည့် ဖုန်း၊အီးမေးလ်၊SMS စာတိုဆက်သွယ်မှု၊ဂျပန်ရှိရုံးခွဲများမှ ဝန်ထမ်းများမှထိတွေ့လုပ်ဆောင်မှုတို့အပြင်ပိုမို အားစိုက်မှုအနေဖြင့် ကိစ္စဝိစ္စများအားကိုင်တွယ်နိုင်ရန် အချိန်နှင့်တပြေးညီ ထိတွေ့ဆောင်ရွက်နိုင်သည့် On Line (Hot Line)စနစ်အား Viber, Skype, Zoom, Messenger Video Call များဖြင့်လုပ်ဆောင်သွားမည်ဖြစ်ပါသည်။
အလုပ်သင်လုပ်သားများအနေဖြင့်အထက်တွင်ဖေါ်ပြခဲ့သော Channel များမှတစ်ဆင့် ဆက်သွယ်သမှုပြုနိုင်ရေးအတွက် Account များပြုလုပ်ထားရန်လိုအပ်မည်ဖြစ်ပြီးချိတ်ဆက်နိုင်ရေးအတွက်စီမံရမည်ဖြစ်ပါသည်။
.
ကပ်ရောဂါဖြစ်ပွားနေမှုကြောင့် သွားလာရေးအဆင်မပြေဖြစ်သည့်အခါမျိုးတွင်ကိုင်တွယ်လုပ်ဆောင်ပေးသွားနိုင်ရန်စီမံပေးခြင်းဖြစ်သည့်အလျောက်ရေမြေခြားတွင်ရောက်ရှိလုပ်ကိုင်နေကြသည့် အလုပ်သင်လုပ်သား၊ပညာရှင်ဝန်ထမ်းများအနေဖြင့်စိတ်ဓါတ်အင်အားရှိနေစေမည်ဟုယုံကြည်ထားပါသည်။
.
ကြီးကြပ်အဖွဲ့အစည်းများအနေဖြင့်လည်း ကပ်ရောဂါအနေအထားကြောင့် ကုမ္ပဏီများအားရိုတ်ခတ်လာခဲ့သည့်အနေအထားရှိခဲ့လျင်တောင်မှ အလုပ်လုပ်ကိုင်နေသည့် အလုပ်သမားများအဆင်ပြေရေးအတွက် နည်းလမ်းပေါင်းစုံ တရားဝင်လုပ်ဆောင်ပေးသွားမည်ဖြစ်ပါ၍မလိုအပ်ဘဲစိုးရိမ်ပူပန်ခြင်းမျိုးမရှိစေရန်ပြောပြထားလိုပါသည်။
.
ကျန်းမာရေးဂရုစိုက်၍အလုပ်တွင်ကြိုးစားခြင်းဆိုသည့်အချက်ကိုသေချာကိုင်စွဲထားပါက တော်ရုံအခက်အခဲလောက်မှာပြေလည်နိုင်မှာဖြစ်ကြောင်းအသိပေးရင်းနှင့်အတူ လက်ရှိအနေအထားကိုလိုက်လျောညီထွေဖြစ်စေရေးမိမိဖက်မှလုပ်ဆောင်ထားဖို့လိုအပ်သည်တို့ကိုပြောပြပေးလိုက်ပါသည်။
.
အခက်အခဲကာလတစ်ခုကိုခလုပ်မထိဆူးမငြိဘဲကျော်ဖြတ်နိုင်အောင်အားစိုက်သမှုပြုကြပါစို့။
.
KAZU